Advertisement skip this
  1. ताजा अपडेट
Comments Add Comment

‘नाई नभन्नु ल ५’मा प्रियंका स्वस्तिमाकी आमा


निर्देशक विकासराज आचार्यले १ बर्ष भन्दा लामो ग्यापपछि चलचित्र ‘नाई नभन्नु ल’को पाँचौ श्रृङ्खला बनाउने भएका छन् । यो श्रृङ्खलालाई पनि उनी आफैले निर्देशन गर्दैछन् । चलचित्रका लागि कलाकार फाइनल पनि भएका छन् ।

भदौ ८ गतेलाई प्रदर्शन मिति तोकिएको चलचित्रमा नायिका प्रियंका कार्कीको निरन्तरता रहेनछ । साथमा, यो पटक विकासको चलचित्रमा नायिका स्वस्तिमा खड्का भित्रिएकी छिन् ।

बाल-कलाकार अनुभव रेग्मी चलचित्रको मुख्य भूमिकामा रहनेछन् । वुझिएअनुसार, नायिका प्रियंका कार्की अर्की नायिका स्वस्तिमा खड्काको आमाको भूमिकामा देखिदैछिन् । चलचित्र ‘छक्का पन्जा २’मा पनि प्रियंका स्वस्तिमाकी आमाको भूमिकामा देखिएकी थिइन् ।

चलचित्रमा बसन्त सापकोटाको संगीत, पुरुषोत्तम प्रधानको छायांकन, कविराज गहतराजको कोरियोग्राफी, अर्जुन जीसीको सम्पादन रहनेछ । चलचित्रमा बाल-कलाकारको रुपमा अनुभव रेग्मी र स्यार्टिना शर्माको मुख्य भूमिका रहनेछ । चलचित्रमा अभिषेक नेपाल, बुद्धि तामाङ, जयनन्द लामा, दिलिप रायमाझी, उत्तम केसी लगायतका कलाकार पनि रहनेछन् ।

निर्देशक विकास आचार्यले दिएको जानकारी अनुसार, यो चलचित्रबाट नयाँ नायक भित्राउने तयारी गरिएको छ । चलचित्रमा सामिप्यराज तिमिल्सिना र विकास आचार्यको कथा, पटकथा तथा संवाद छ । चलचित्रलाई प्रेम कथामा तयार पार्न लागिएको विकासले बताए ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

ट्रेन्डिङ

Advertisment