1. ताजा अपडेट
Comments Add Comment
renuka rai
२०७५ असार ५ गते १६:२४
dhurmush suntali le yedi yo pani kam garna chahanu bho bhane sabai jana sahayog garna agadi aauchhan.baru malai ta sarkar songa sallaha garera pura nirman kariya dhurmush suntalilai dida nai sabai jannta affno kam affai garna agi badhne rahechan chado hunachha . renuka rai bhojpur
किरण
२०७४ चैत ७ गते ९:२१
रङ्गशाला बनाउदा तपाईंलाई घाटा हुन्न घुर्मुस जी। क्रीकेट खेलबाट उठेको करोडौं पैसा तपाईले नमुना नेपालमा लगाउन सक्नु हुन्छ। रङ्गशाला बनाउनु पूर्व सर्त राखेर बनाउनु। भविष्यमा अन्य कामको लागी दीगो आर्थीक स्रोत हुनेछ त्यो रङ्गशाला।
काँचुली, देवचुली - नवलपरासी
२०७४ चैत ७ गते ७:२१
सिताराम कट्टेल धुर्मुस जी ! नमस्कार नमूना नेपालको योजना लाई दोस्रो प्राथमिकतामा राखेर यदी तपाईंले क्रिकेट रंगशाला लाई पहिलो प्राथमिकतामा राखेर काम गर्नु भो भने यो सम्भव छ (सरकारको काम गराइको गती र पारा तपाईं लाई थाहा चाडै छ) यती मात्रै गर्नु भो भने तपाईंको त्यो गुन आउने पिढीले सय बर्ष हैन, हजार बर्ष बिर्सिने छैन । आर्थिक स्रोत सरकारका तर्फ बाट व्यवस्था गर्न हामीले पनि सक्दो जन दबाद सिर्जना गर्ने नै छौं । आशा छ खेलप्रेमी करोडौ यूवाको आवाज लाई आत्मसाथ गर्नु हुनेछ ।

क्रिकेट रंगशाला बनाउन धुर्मुसमाथि दवाव, के गर्छन् धुर्मुस ?

फाइल फोटो

केही समयअघि नेपाली क्रिकेट टिमका कप्तान पारस खड्का हास्य कलाकार तथा सामाजिक अभियन्ता सिताराम कट्टेल धुर्मुसलाई भेट्न पुगेका थिए । सो भेटमा उनले नेपालमा अन्तर्राष्ट्रिय क्रिकेट रंगशाला अत्यावश्यक भएकाले त्यसको पहलकदमी लिन धुर्मुसलाई आग्रह गरे ।

तर, रंगशाला निर्माण हुनुपर्नेमा धुर्मुस पूर्ण सहमत हुँदाहुँदै पनि उनले यसमा तत्काल आफू अघि बढ्ने प्रतिवद्धता भने जनाउन सकेनन् । त्यसको कारण हो, उनले त्यतिबेला ‘नमूना नेपाल’ नामको महत्वाकांक्षी परियोजनामा हात हालिसकेका थिए ।

नेपालले एक दिवसीय क्रिकेट खेल्ने मान्यता पाइसकेपछि अन्तर्राष्ट्रियस्तरको रंगशालाको आवश्यकता झन् टड्कारो बनेको छ । बुधबार बिमानस्थलमा क्रिकेट खेलाडीहरु फर्कँदा जम्मा भएको भिडले रंगशाला निर्माण हुनुपर्ने भन्दै नारावाजी नै गरेको थियो ।

चार वटा निर्माण परियोजना समयमा सम्पन्न गरेर पाचौं परियोजनामा तल्लिन रहेका धुर्मुसलाई अहिले ह्वारह्वार्ति म्यासेज र फोनहरु आउन थालेका छन् । सबैको जोड छ, अन्तर्राष्ट्रिय रंगशाला निर्माणको पहलकदमी धुर्मुस–सुन्तली फाउन्डेसनले लिनुपर्‍यो भन्ने ।

सरकारले निर्माण गर्दा भन्दा धुर्मुस–सुन्तलीले निर्माण गर्दा छिटो र प्रभावकारी रुपमा सम्पन्न हुने धेरैको विश्वास छ ।

तर, एउटा बोझ टाउकोमै रहेको अवस्थामा अर्को थप्न धुर्मुसलाई सजिलो छैन ।

‘क्रिकेट रंगशाला निर्माणका लागि देशवासीमा ठूलो आतुरता मैले पाएको छु,’ धुर्मुस भन्छन्, ‘यस्तो आतुरता म स्वयम्मा पनि छ ।’

तर एकैसाथ दुईवटा ठूला परियोजना हाँक्नु चुनौतिपूर्ण हुन सक्ने उनको चिन्ता छ ।

‘नमूना नेपालका लागि नै आर्थिक जोहो गर्ने काम नै बाँकी छ, त्यसमाथि रंगशाला पनि थपियो भने अलि गाह्रो पर्ला कि ! तर, नसकिने भने होइन,’ धुर्मुसले भने ।

रंगशाला निर्माण सरकारकै अग्रसरतामा हुनुपर्ने उनको ठहर छ । यदि सरकारले आर्थिक पाटोको जिम्मेवारी लिएर स्रोत उपलब्ध गराएमा आफूहरुले पुराना अनुभवका आधारमा निर्माणको संयोजन गर्न सक्ने उनले बताए ।

‘क्रिकेटप्रेमीहरु जुर्मुराएका बेला रंगशाला निर्माणका लागि आह्वान गर्दा स्रोत उठ्न सक्छ, तर, हामीले कतिवटा कामका लागि सहयोगको अपिल गर्ने, हाम्रो लागि पनि चिन्ताको विषय भएको छ,’ उनले भने ।

यसैबीच जनस्तरबाट रंगशाला निर्माणका लागि सामाजिक सञ्जालमा आह्वान गरेका हास्यकलाकार कुमार कट्टेल जिग्रीले पनि दाई धुर्मुसकै मुख ताकेका छन् । उनीसहित भद्रगोल टेलिश्रृंखलाको टिम मंगलबार धुर्मुससँग छलफल गर्न पुगेको थियो ।

यो कामको नेतृत्व धुर्मुस सुन्तली फाउन्डेसनले लिएको खण्डमा सबैतिर विश्वासको वातावरण बन्ने कुमारले अनलाइनखबरसँग बताए ।

यो खबर पढेर तपाईलाई कस्तो महसुस भयो ?

100%

खुसी

0%

दुःखी

0%

अचम्मित

0%

उत्साहित

0%

आक्रोशित

ट्रेन्डिङ

Advertisment