२ वैशाख, काठमाडौं । इण्डियन पि्रमियर लिग क्रिकेट (आईपीएल)मा राजस्थान रोयल्सले रोयल च्यालेन्जर्स बैंग्लोरलाई १९ रनले हराएको छ ।
२१८ रनको लक्ष्य पछ्याएको बैंग्लोरले २० ओभरमा ६ विकेट गुमाएर १९८ रन बनाउन सक्यो ।
उसका कप्तान विराट कोहलीले अर्धशतक बनाएपनि हार टार्न सकेनन् । उनी ५७ रनमा आउट भए । मनदीप सिंहले ३७ र वासिङटन सुन्दरले ३५ रन बनाए ।
यसअघि पहिले ब्याटिङ गरेको राजस्थानले सञ्जु सामसनको उत्कृष्ट ब्याटिङको मदतमा २० ओभरमा ४ विकेट गुमाएर २१७ रन बनाएको थियो । सामसनले ४५ बलमा अविजित ९२ रन बनाए । अजिक्या रहानेले ३६ रनको योगदान दिए ।