नायक सञ्जय दत्त र नायिका माधुरी दिक्षितको जोडी एक समय बलिउडमा खुबै लोकप्रिय थियो । उनीहरुले ‘साजन’, ‘खलनायक’ जस्ता सुपरहिट फिल्ममा सँगै काम गरे ।
सँगै फिल्म खेल्ने क्रममा उनीहरु गहिरो प्रेममा पनि परेका थिए । तर, त्यो प्रेम सफल हुन सकेन किनकी सञ्जय पहिल्यै विवाहित थिए । सो प्रेम तोडिएपछि उनीहरु फिल्ममा एकसाथ देखिएनन् ।
२१ वर्ष भयो, सञ्जय दत्त र माधुरी दिक्षितको जोडी टुटेको । पछिल्लो पटक उनीहरु १९९७ मा रिलिज भएको फिल्म ‘महानता’ मा देखिएका थिए । अब यो जोडीलाई फेरि एकसाथ देख्न पाइने भएको छ । निर्देशक करण जौहरको फिल्म ‘सिद्दत’ मा उनीहरुले अभिनय गर्ने फाइनल भएको हो ।
खासमा यो फिल्ममा यसअघि श्रीदेवीले अभिनय गर्नेवाली थिइन् । उनको असामयिक निधनपछि माधुरी दिक्षितलाई साइन गरियो । सञ्जय दत्त पहिले नै फिल्ममा थिए । तर माधुरीको इन्ट्री भएपछि उनले सो फिल्मबाट हात झिके । तर, निर्देशक जौहरले फकाइफुलाइ गरेर सञ्जयलाई फिल्म खेल्न राजी गराएका छन् । यो जोडीको पुरानो जादु फेरि फर्किन्छ कि फर्किदैन भन्ने चाहिँ फिल्म रिलिजपछि थाहा हुनेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4