बिहीबार, १० जेठ, २०७५
Ruslan
OnlineKhabar.com
Suzuki

आज मदन-आश्रित स्मृति दिवस, कार्यक्रममा माओवादी पहिलोपटक सहभागी

Suzuki
अनलाइनखबर


३ जेठ, काठमाडौं । नेकपा एमाले र उसका भ्रातृ संगठनहरुले मनाउँदै आएको मदन-आश्रित स्मृति दिवसमा यसपटक फरक दृष्य देखिने छ । किनकी यसपालिको २५ औं स्मृति दिवसमा आयोजना हुने औपचारिक कार्यक्रममा माओवादी केन्द्र पनि सहभागी हुने छ ।

एमालेका तत्कालिन महासचिव मदन भण्डारी र संगठन विभाग प्रमुख जीवराज आश्रितको चितवनको दासढुंगामा २०५० साल जेठ ३ गते जिप दुर्घटनामा निधन भएको थियो ।

सोही दिनको सम्झनामा एमालेले पुरानो पार्टी कार्यालय बल्खु, चितवनको दासढुंगालगायतका स्थानमा बिभिन्न कार्यक्रम आयोजना गर्दैछ । बल्खुको कार्यक्रममा माओवादी अध्यक्ष प्रचण्डसमेत सहभागी हुनेछन् । दुई दलबीच एकता प्रक्रिया अन्तिम चरणमा पुगेका बेला एमाले र माओवादीले सँगै मदन आश्रित स्मृति दिवस मनाउन लागेको यो पहिलोपटक हो ।

बिभिन्न छानबिन समितिले समेत दासढुंगा काण्डको तथ्य बाहिर ल्याउन सकेको छैन । चालक अमर लामाको समेत काठमाडौंमा हत्या भएपछि दासढुंगा काण्ड झन् रहस्यमय बनेको छ ।

अमर लामाको २०६० साउनमा कीर्तिपुरमा हत्या भएको थियो । हत्यामा तत्कालिन नेकपा माओवादीका कार्यकर्ताहरुको संलग्नता रहेको भनेर एमाले नेताहरुले आरोप लगाउने गरेका छन् ।

२०७५ जेठ ३ गते ८:२७ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this