भारतीय कमेडीयन भारती सिंहले गत डिसेम्बरमा आफ्ना प्रेमी हर्ष लिम्बाचियासँग बिहे गरिन् । उनीहरुको पाँच वर्ष लामो प्रेम थियो ।
बिहे लगत्तै हर्ष नयाँ महंगो कारमा देखिन थालेका छन् । ट्रोलरहरुका लागि एउटा मसला बनिरहेको छ । उनीहरुको आरोप छ, भारतीको पैसामा हर्षले महंगो कार किनेका हुन्, नत्र उनको यो कार चढ्ने हैसियत छैन ।
यस्ता ट्रोलहरु आएपछि भारती आक्रोशित बनेकी छन् । हालै एक रियालिटी शोमा प्रस्तुत भएकी उनले ट्रोलरहरुको जवाफ दिइन् ।
‘यो कार मेरा श्रीमानले आफ्नै पैसाले किनेका हुन् । के तपाईंहरु मेरा श्रीमान एउटा कार किन्न पनि सक्षम छैनन् भन्ने ठान्नुहुन्छ ?’ उनले आक्रोशित हुँदै भनिन् ।
फेरि थपिन्, ‘मेरो श्रीमान रात दिन काम गर्नुहुन्छ र चाहेजति पैसा कमाउनुहुन्छ । उहाँले मलाई खुशी राख्नुभएको छ । म आफ्नो श्रीमानमा गर्व गर्छु ।’
भारतीका श्रीमान हर्ष स्क्रिप्ट राइटर हुन् । उनले कमेडी शोहरुको स्क्रिप्ट लेख्ने गर्छन् । तर, हर्षको भन्दा भारतीको कमाई राम्रो छ । हर्ष र भारती चर्चित रियालिटी शो ‘नच बलिए’ आठौं संस्करणमा सहभागी हुने सबैभन्दा महंगा जोडी थिए । उनीहरुले प्रत्येक एपिसोडको ३० लाख भारु लिएका थिए । भारती ‘द ग्रेट इन्डियन लाफ्टर च्यालेन्ज’ बाट चर्चामा आएकी हुन् । पछिल्लो समय उनी कपिल शर्मासँग सहकार्यमा थिइन् ।
प्रतिक्रिया 4