२९ असार, काठमाडौं । विश्वकप फुटबलमा सहभागी खेलाडी विभिन्न देशमा लिग फुटबलमा आबद्ध छन् । क्लब फुटबल पछ्याउने फुटबल समर्थकले खेलाडीको क्लबका आधारमा पनि समर्थन गर्ने गर्दछन् ।
रसिया विश्वकपमा सहभागी हुने खेलाडीमा सबैभन्दा धेरै इंग्लिस क्लब म्यानचेस्टर सिटीबाट थिए । सिटीका १६ जना खेलाडी रहेको विश्वकप फाइनलसम्म भने एक खेलाडी मात्रै पुगेका छन् ।
विभिन्न क्लबले आफ्नो वेवसाइट र सामाजिक सञ्जालमा पनि क्लबका खेलाडीको खेल परेको दिन विशेष चर्चा गरिरहेका थिए । आफ्नो क्लबमा आबद्ध खेलाडीले राम्रो खेल प्रस्तुत गर्दा क्लबलाई लाग्ने खुसीसँगै त्यसले समर्थकलाई आकषिर्त गर्ने काम पनि गर्दछ ।
सेमिफाइनल खेलमा बेल्जियमविरुद्ध गोल गरेपछि फ्रान्सका डिफेन्डर स्यामुअल उमटीटीको बार्सिलोनाले निकै तारिफ गरेको थियो ।
क्रोएसियाले इंग्ल्याण्डलाई पराजित गरेपछि पनि बार्सिलोनाले ट्वीटमा लेखेको थियो, ‘बार्सिलोनाले यसपटक कम्तीमा एक जना विश्व विजेता पाउने छ ।’
फाइनल खेल्ने सबैभन्दा धेरै खेलाडी ला लिगाका छन् । जसमा स्पेनिस क्लब रियल मडि्रड, बार्सिलोना, एथ्लेटिको मड्रिड र सेभिल्लाका गरेर १० जना छन् । यसैगरी इटालियन क्लब युभेन्टसबाट तीन खेलाडी छन् । साथै फेन्च क्लब मोनाको, मार्सेली र पेरिस सेन्ट जर्मेनबाट पनि तीन/तीन खेलाडी छन् ।
लिगका आधारमा हेर्दा इंग्लिस पि्रमियर लिग खेल्ने १ सय २४ खेलाडी विश्वकपमा सहभागी भएका थिए । तर फाइनलसम्म पुग्दा ला लिगाले प्रिमियर लिगलाई जितेको छ ।
प्रिमियर लिग खेल्ने ६ खेलाडी फाइनलमा छन् भने ला लिगा खेल्ने १० खेलाडी फाइनलमा छन् ।
यसैगरी लिग वान खेल्ने १० खेलाडी, सिरी ए खेल्ने ९ खेलाडी, बुण्डेस लिगा खेल्ने ४ खेलाडी, रसियन लिग खेल्ने २ खेलाडी, क्रोएसियन लिग खेल्ने २ खेलाडी साथै अस्ट्रिया, युक्रेन र टर्कीमा लिग खेल्ने एक/एक खेलाडी छन् ।
एउटै क्लबबाट विश्वकपमा सहभागी खेलाडीको संख्यामा म्यान सिटीपछि स्पेनिस क्लब रियल मडि्रडको रहेको थियो । जसका १५ खेलाडी विश्वकपमा सहभागी भएकामा तीन खेलाडी फाइनलसम्म पुगेका छन् ।
कुन क्लबका छन् फाइनल खेल्ने खेलाडी ?
रियल मड्रिड – राफेल भराने -फ्रान्स), लुका मोडरिक, माटेओ कोवासिक (क्रोएसिया)
बार्सिलोना – स्यामुअल उमटीटी, उसमान डेम्बेले (फ्रान्स), इभान र्याकिटिङ (क्रोएसिया)
एथ्लेटिको मड्रिड – एन्टोनियो गि्रजम्यान, लुकास हर्नान्डेज (फ्रान्स), भरसाल्ज्को (क्रोएसिया)
मोनाको – दिवब्रिल सिदिबे, थोमस लेमर (फ्रान्स), ड्यानियल सुवासिक (क्रोएसिया)
मार्सेली – स्टीभ मन्डन्डा, अदिल रामी, लोरिन थोविन (फ्रान्स)
पेरिस सेन्ट जर्मेन – एल्फन्सो एरोला, प्रेसनल किमपेम्बे, केलियन एमबाप्पे (फ्रान्स)
युभेन्टस – ब्लेस माटुडी (फ्रान्स), मारियो म्यान्जुकिज, मार्को पिजाका (क्रोएसिया)
चेल्सी – एन्जेलो कान्टे, ओलिभर जिरउड (फ्रान्स)
इन्टर मिलान – मार्सेलो ब्रोजोभिक, इभान पेरेसिक -क्रोएसिया)
फिरोन्टेनिया – मिलान बडेल्ज, एन्टे रेबिक (फ्रान्स)
एसी मिलान – निकोलो कालिनिक, इभान स्टिनिक (क्रोएसिया)
टोटनहृयाम – हृयुगो लोरिस (फ्रान्स)
म्यानचेस्टर सिटी – बेन्जामिन मेन्डी (फ्रान्स)
स्टुटगार्ट – बेन्जामिन पभार्ड (फ्रान्स)
सेभिल्ला – स्टेभेन जोन्जी (फ्रान्स)
म्यानचेस्टर युनाइटेड – पोउल पोग्बा (फ्रान्स)
बायर्न म्युनिख – कोरेन्टिनो टोलिसो (फ्रान्स)
लायोन – नबिल फेकिर (फ्रान्स)
जेन्ट – लोभ्रे कालिनिक (क्रोएसिया)
डाइनामो जागर्भ – डोमिनिक लिभाकोभिच (क्रोएसिया)
लोकोमोटिभ मस्को – भेड्रान क्रोलुका (क्रोएसिया)
बेसिक्टस – डोमागज भिडा (क्रोएसिया)
लिभरपुल – डेजान लोभरेन (क्रोएसिया)
डायनामो किभ – जोसिप पिभेरिक (क्रोएसिया)
बायर लिभरकुसन – टिन जेडभाज (क्रोएसिया)
रेड बुल साल्जबर्ग – डुजे क्यालेटा कार (क्रोएसिया)
रेजेका – फिलिप बार्डेरिक (क्रोएसिया)
होफेनहेम – एन्ड्रेज क्रामेरिक (क्रोएसिया)