२६ भदौं, काठमाडौं । साताको तेस्रो दिन मंगलबार सेयर बजारमा सुधार देखिएको छ । साताको दोस्रो दिन सोमबार ८.१० अंकले ओरालो लागेको सेयर बजार मंगलबार भने ६ दशमलव ७७ अंकले बढेर सुधार देखिएको हो ।
नेप्से परिसूचक ६ दशमलव ७७ अंकले बढेर १ हजार २ सय १७ दशमलव ६५ अंकमा पुगेको छ । सोमबार नेप्से परिसूचक ८ दशमलव १० अंकले घटेर १ हजार २ सय १० दशमलव ८८ को बिन्दुमा पुगेर कारोबार बन्द भएको थियो ।
नेप्से परिसूचकसँगै कारोबार रकममा समेत सुधार देखिएको छ । दिनभरमा भएका ४ हजार ९७ कारोबारबाट १० लाख ९७ हजार ९ सय ११ कित्ता सेयर किनबेच भए । जसअनुसार मंगलबार ३३ करोड ३२ हजार ७ सय ७३ रुपैयााको सेयर कारोबार भयाे ।
सोमबारको कारोबारमा कुल १ सय ६२ कम्पनीको ११ लाख ५९ हजार २७२ कित्ता सेयर खरिदबिक्री हुँदा २७ करोड ७४ लाख २२ हजार ९६७ रुपैयााको कारोबार भएको थियो ।
