१ असोज, काठमाडौैं । उदयपुरको घुर्मी बजार नजिकै जीप दुर्घटना हुँदा एक अष्ट्रेलियन नागरिकको मृत्यु भएको छ ।
सोमबार काठमाडौंबाट ओखलढुंगा जाँदै गरेको ना २ ज ८९६९ नम्बरको जीप अनियन्त्रित भई सडकबाट १०० मिटर तल खस्दा अष्ट्रेलियन नागरिक अन्दाजी ७० वर्षकी हुसे कान्तोको मृत्यु भएको प्रहरीले जानकारी दिएको छ ।
मध्य पहाडी लोकमार्ग अन्तर्गतको उक्त सडकमा दिउँसो सवा १ बजे भएको दुर्घटनामा ८ जना घाइते भएका छन् ।
घाइतेमध्ये केहीको अवस्था गम्भीर रहेको छ । उनीहरुलाई उदयपुरको कटारी अस्पतालमा प्राथमिक उपचार गरी थप उपचारका लागि काठमाडौं पठाउने तयारी भएको प्रहरीको भनाइ छ ।
