४ असोज, काठमाडौं । जर्मन क्लब बायर्न म्युनिखले च्याम्पियन्स लिगमा विजयी सुरुवात गरेको छ ।
बुधबार राति भएको खेलमा बायर्नले पोर्चुगाली क्लब बेन्फिकालाई उसैको घरेलु मैदानमा २-० ले हराएको हो । बायर्नको जितमा रोबर्टो लेवान्डोस्की र रेनटो सान्चेजले गोल गरे ।
खेलको १० औं मिनेटमा नै लेवान्डोस्कीले गोल गर्दै बायर्नलाई अग्रता दिलाएका थिए । पहिलो हाफसम्म बायर्न बेन्फिकामाथि १-० गोलले अग्रता बनाएको थियो भने दोस्रो हाफमा थप अर्को एक गोल गर्दै २-० गोलको जित निकालेको हो । खेलको ५४ औं मिनेटमा सान्चेजले गोल गर्दै वायर्नलाई २-० को जित दिलाएका थिए ।
यसै समूहको अर्को खेलमा आयाक्सले एईके एथेन्सलाई ३-० गोलले पराजित गरेको छ ।
