१५ असोज, कैलाली । कैलालीको गोदावरीमा बस दुर्घटना हुँदा एक जनाको मृत्यु भएको छ ।
धनगढीबाट टीकापुरतर्फ गइरहेको से १ ख १०२५ नम्बरको बस गोदावरी नगरपालिका ९ बल्मीमा दुर्घटना हुँदा गौरीगंगा नगरपालिका ४ की ईश्वरी विनाडीको मृत्यु भएको हो ।
कैलालीका प्रहरी प्रमुख प्रहरी उपरीक्षक विनोद घिमिरेका अनुसार दुर्घटनामा गम्भीर घाइते विनाडीको पद्मा अस्पताल अत्तरियामा उपचारको क्रममा मृत्यु भएको हो ।
सुदूरपश्चिम यातायातको से १ ख १०२५ नम्बरको बस अनियन्त्रित भई सडक किनारमा पल्टिदा विनाडीलाई बसले च्यापेको थियो । बस दुर्घटनामा केही यात्रुसमेत घाइते भएका छन् । उनीहरुको पद्मा अस्पतालमा उपचार भइरहेको छ ।
