१७ असोज, काठमाडौं । भक्तपुरको सूर्यविनायकमा टिपरले मोटरसाइकललाई ठक्कर दिएपछि स्थिति तनावग्रस्त बनेको छ ।
प्रहरीका अनुसार बा ४ ख ३६५० नम्बरको टिपरले बा ८८ प ८५२ नम्बरको मोटरसाइकललाई ठक्कर दिँदा दुई जना गम्भीर घाइते भएका छन् ।
घाइतेहरुको सनाखत भएको छैन ।
दुर्घटनापछि स्थानीयको भिडले टिपरमा आगजनी गरेको छ । प्रहरीले स्थितिलाई नियन्त्रणमा लिन लाठीचार्ज र अश्रुग्यास समेत प्रहार गरेको छ ।
भक्तपुर प्रहरीका डिएसपी रेवतीरमण पोखरेलले अहिले स्थितिलाई नियन्त्रणमा लिने प्रयास भइरहेको बताए ।
‘अहिले म पनि घटनास्थलमै छु । स्थितिलाई साम्य बनाउने प्रयास भइरहेको छ’, उनले अनलाइनखबरसँग भने ।
यो पनि पढ्नुहोस टिपरलाई दुई घन्टा छुट दिएकै दिन दुर्घटना
