पूनमको फिल्ममा पुष्पल र रेविका फाइनल, दीपिकासँग कुरा मात्र

यसअघि चलचित्र ‘अझै पनि’ निर्माण गरेर नेपाली चलचित्र क्षेत्रमा आफूलाई स्थापित गर्दै अगाडि बढेकी निर्मात्री पूनम गौतमले नयाँ चलचित्र निर्माण गर्ने भएकी छिन् । उनले निर्माण गर्न लागेको अनटाइटल प्रोजेक्टलाई नवल नेपालले निर्देशन गर्दैछन् ।

पूनम इन्टरटेन्मेन्टको ब्यानरमा निर्माण हुन लागेको यो चलचित्रमा नायक पुष्पल खड्का र नायिका रेविका गुरुङ फाइनल भैसकेका छन् । यस्तै, अन्य २ नायिकाको लागि कुरा भैरहेको वुझिएको छ । चलचित्रको छायांकन सुरु हुन अझै केही समय लाग्नेछ । अहिले नवल आफैले कथामा काम गरिरहेका छन् । चलचित्रका लागि नायिका दीपिका प्रसाइसँग पनि कुरा भैरहेको छ, तर उनीसँग कागजी संझौता भैसकेको छैन ।

चलचित्र ‘अझै पनि’ले व्यापारिक रुपमा आंशिक सफलता पाएका कारणले पनि पूनमले नयाँ प्रोजेक्टका लागि मिहिनेत गरिरहेको बताएकी छिन् । उनले भनिन्-‘हामी सबै जानकारी चाडै नै पत्रकार सम्मेलन गरेर दिनेछौ ।’