९ कात्तिक, जनकपुरधाम । प्रदेश २ सरकारले रामजानकी विवाह पञ्चमी महोत्सव भव्यताका साथ मनाउन ५० लाख रुपैयाँ दिने निर्णय गरेको छ ।
शुक्रबार बसेको मन्त्रिपरिषद बैठकले महोत्सवका लागि ५० लाख रुपैयाँ आर्थिक सहयता दिने निर्णय गरेको हो । जनकपुरको जानकी मन्दिरमा हिन्दू नेपालीहरुले भव्यताका साथ यो पर्व मनाउँछन् ।
त्यस्तै प्रदेश सरकारले आफ्नो सचिवालयलाई मधेस भवन घोषणा गरेको छ । जनकपुर चुरोट कारखानाको परिसरमा रहेको प्रदेश सरकारको सचिवालयलाई मधेस भवन नामाकरण गरेको हो ।
प्रदेश सरकारले एक महिनाभित्र आवश्यक कर्मचारी पठाउन संघीय सरकारलाई आग्रह गरेको छ । प्रदेश सरकारले तयार पारेको कर्मचारी संगठनात्मक संरचना (ओएनएम) अनुसारको कर्मचारी एक महिनाभित्र पठाउन संघीय सरकारलाई आग्रह गर्ने निर्णय गरेको हो ।
एक महिनाभित्र संघीय सरकारले आवश्यक कर्मचारी नपठाए प्रदेश सरकारले आफै व्यवस्था गर्ने निर्णयसमेत गरेको एक मन्त्रीले जानकारी दिए ।
