जीवनमा केही गर्नका लागि उर्जा चाहिन्छ । उर्जाका अनेक स्रोत हुन्छन् । अरुको भोगाई, विचार, सुझाव पनि त्यही स्रोत हुनसक्छ, जसले हाम्रो जीवनलाई फरक ढंगबाट सोच्न र केही गर्ने प्रेरणा दिन्छ ।
विभिन्न कालखण्डमा हाम्रा पूर्खाहरु, विभिन्न विचारक, दार्शनिक, राजनेता, धर्मगुरुहरुले आफ्नो भोगाईको आधारमा यस्ता विचार व्यक्त गरेका छन्, जो हाम्रो निम्ति प्रेरणादायी हुनसक्छ । अतः यहाँ त्यस्तै प्रेरणादायी वचन पेश गरिएको छ ।
-गल्ती त्यहीबाट हुन्छ, जो मेहनतले काम गर्छ । निकम्मा व्यक्ति त अरुको गल्ती खोज्नमै व्यतित भइरहेको हुन्छ ।
– अर्कालाई त्यती नै छिटो क्षमा गरिदेउ, जति तिमी अरुबाट अपेक्षा गर्छौं ।
– जुन कुरा तिमीलाई बिझाउँछ, अरुलाई त्यही व्यवहार नगर ।
– मानिस खराब हुँदैनन् । तर, तिम्रो अपेक्षा विपरित हुँदा त्यस्तो लाग्न सक्छ ।
– मानिस गल्ती गरेर त्यती दुखी हुँदैनन्, जति गल्तीको नतिजा सोचेर हुन्छ ।
– कसले के गर्छ, किन गर्छ, कसरी गर्छ ? यी सबै चासोभन्दा टाढा रहेर तिमी खुसी हुनसक्छौं ।
– कर्म नै हरेक समस्याको समाधान हो ।
– भोको पेट, रित्तो खल्ती र झुठो प्रेमले मानिसलाई धेरै कुरा सिकाउँछ ।
– सलाईको काँटीले अरुलाई जलाउनुअघि आफै जल्छ । ठिक त्यसैगरी रिसले पनि अरुलाई नभई आफैलाई नष्ट गर्छ ।
– प्रेमी, पागल र कवि एकै चिजले बनेको हुन्छ ।
– एक राम्रो दिमाग र राम्रो दिल सधैका लागि विजयी जोडी हुन् ।
– कसैले कहिल्यै सोचेका होलान्, जसले जे चाहन्थे उसलाई त्यो कुरा यसकारण मिलेन कि उनीसँग प्रतिभा थिएन वा शक्ति थिएन वा धैर्यता थिएन वा प्रतिवद्धता थिएन ।