४ मंसिर, काठमाडौं । क्रिकेट अष्ट्रेलियाले स्टिभ स्मिथ, डेभिड वार्नर र क्यामरुन बेनक्राफ्टमाथिको प्रतिबन्ध नघटाउने भएको छ ।
बल टेम्परिङ गरेको अभियोगमा स्मिथ र वार्नरमाथि एक वर्ष र बेनक्राफ्टमाथि ९ महिने प्रतिबन्ध लगाइएको थियो ।
उनीहरुले झण्डै ८ महिना प्रतिबन्ध भोगिसकेका छन् । पछिल्लो पटक अष्ट्रेलियन क्रिकेटर्स एशोसिएसनले प्रतिबन्धबारे पुनर्विचार गर्न बोर्डलाई आग्रह गरेको थियो ।
तर, क्रिकेट अष्ट्रेलियाका अन्तरिम प्रमुख अर्ल एडिङ्ग्सले प्रतिबन्धको निर्णयमा हेरफेर गर्नु उपयुक्त नभएको बताएका छन् ।
