बसले मोटरसाइकललाई ठक्कर दिँदा दुई जनाको मृत्यु

८ मंसिर, गैंडाकोट । नवलपुरको गैंडाकोट–१३, मुकुन्दपुरमा आज बिहान बसले मोटरसाइकललाई ठक्कर दिँदा दुई जनाको मृत्यु भएको छ ।

कर्णाली यातायातको ना ५ ख ३९८७ नम्बरको बसले ना ५६ प ३८५१ नम्बरको मोटरसाइकललाई ठक्कर दिँदा मोटरसाइकलमा सवार दुईजनाको मृत्यु भएको हो ।

मृत्यु हुनेमा गैंडाकोट नगरपालिका–८ का २० वर्षीय अनिल पौडेल र गैडाकोट– १ का १९ वर्षीय कृष्ण सापकोटा रहेको इलाका प्रहरी कार्यालय गैंडाकोटले जनाएको छ ।

उनीहरुको शव भरतपुर अस्पताल लगिएको छ । बस प्रहरीको नियन्त्रणमा छ ।