नायक अजय देवगण र नायिका काजोलको बैबाहिक जीवन सुखद तरिकाले बितिरहेको छ । तर, यी दुई एक अर्कालाई मौका पाएको बेला ब्यङ्ग्य हान्न भने पछि पर्दैनन् । हालै मात्र यो जोडी ‘कफि विथ करण’ शोमा पुगेको छ । यो शोमा यी दुइले एक अर्कालाई आरोप समेत लगाएका छन् ।
कुराकानीको क्रममा अजयले भनेका छन्–‘मलाई तस्बिर खिच्न कुनै अप्ठ्यारो लाग्दैन । तर, तस्बिर खिचेपछि काजोल ३ घन्टा त्यो तस्बिर सम्पादन गर्न व्यस्त हुन्छिन् । सामाजिक संजालमा शेयर गर्न उनले यो सबै गरेकी छिन् । जवानीमा त उनलाई यो कुरा मतलब थिएन, तर बुढेसकालमा किन यस्तो भूत सवार भएको हो ?’
अजयले बुढेसकाल भनेपछि काजोल पनि रिसाइन् । उनले भनिन्–‘बुढेसकाल तिमीलाई लागेको होला । म त अझै पनि जवान छु ।’ काजोललाई बुढेसकाल लागेपछि आफूले तस्बिर बनाउन मिहिनेत गरेको भन्ने अजयको कुराले रिस उठेको देखिन्छ ।
