Comments Add Comment

६ करोड लागतमा खुल्दैछ रेष्टुरेन्टसँगै ‘पोखरा स्काई स्पोर्टस’

१३ मंसिर, काठमाडौं । पोखराको न्युरोडस्थित भाटभटेनीको मथिल्लो तल्लामा पोखरा स्काई स्पोर्ट्स खुल्ने भएको छ । झन्डै ६ करोडको लागतमा स्काई स्पोर्टस लाउनज खुल्न लागेको हो ।

खेल, मनोरन्जन, खाना र फिटनेस एकै छानामुनी उपलब्ध गराउने सम्भवत नेपालकै पहिलो महत्वाकांक्षी परियोजना ‘अ प्लेस फर एभ्रिवन’ थिममा रेष्टुरेन्टसँगै पोखरा स्काई स्पोर्टस् संचालनमा आउन लागेको हो ।

स्काई स्पोर्टसमा फुटसल, लङ टेनिस, जुम्बा, कार्डियो, साउना स्टिम, ज्याक्युजी, पुलसगैँ भर्चुअल रियालीटी प्ले स्टेशनको सुविधा रहेको छ ।

ग्राहकको सेवा सुविधालाई ध्यानमा राख्दै रेष्टुरेन्टको लागि विशेष कार्डको समेत व्यवस्था गरिएको छ । सिल्भर, गोल्ड र प्लाटिनम गरी तीनवटा कार्ड र सोही अनुसारको सुविधाको प्याकेज बनाएको स्काई स्पोर्टसका सिइओ सुदिप दवाडीले बताएका छन् ।

स्काई स्पोर्टसका अध्यक्ष सुजन गुरुङले पछिल्लो समय बदलिएको सामाजिक परिवेश र मानिसको चाहाना अनुसार एकै छाना मुनि सम्पूर्ण सेवा सुबिधा उपलब्ध गराउने उदेश्य अनुरुप स्काई स्पोर्टस सञ्चालनमा ल्याउन लागेको बताए ।

ओपनिङको अवसर पारेर पोखरामा ग्राण्ड कन्सर्ट पनि हुने भएको छ । उक्त कन्सर्टमा एड्रिन प्रधान, नट्टू शाह, स्वप्न सुमन, दीपक बज्राचार्य लगायतले आफ्नो प्रस्तुति राख्नेछन् ।

तीन दिनसम्म चल्ने स्काई स्पोर्टसको ओपनिङमा कन्सर्टसँगै फेसन सो, स्ट्याण्ड अप कमेडी लगायत विभिन्न मनोरन्जनात्मक प्रस्तुती हुनेछन् ।

बिगत ३ वर्ष अघीदेखी निर्माण आरम्भ भएको उक्त प्रोजेक्टको ग्राण्ड ओपनिङ ५० बढी कलाकार तथा कर्पोरेट भिआईपीहरुको उपस्थितिमा मंसिर २८, २९, पुष १ गते गरी तीन दिन सम्म चल्ने छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment