१३ मंसिर, जनकपुरधाम । उपप्रधान एवं स्वास्थ्य तथा जनसंख्यामन्त्री उपेन्द्र यादवले शक्ति, सत्ता र सम्पतिमा पहुँच नभएसम्म महिलामाथि हुने हिंसा अन्त्य नहुने बताएका छन् ।
महिला बालबालिका तथा जेष्ठ नागरिक मन्त्रालयद्वारा जनकपुरमा आयोजित १६ दिने लैङ्गिक हिंसाविरुद्धको अन्तरक्रिया कार्यक्रमलाई सम्बोधन गर्दै उनले सामाजिक समानताको अवधारण लागू गरिए मात्र लैङ्गिक हिंसा अन्त हुने बताए ।
उनले कुपरम्परा र गलत रितिरिवाजहरुले नै महिला हिंसालाई बढावा दिएको भन्दै यसका लागि समाज सच्चिएर अगाडि बढ्नुपर्ने बताए ।
कार्यक्रममा प्रदेश २ का मुख्यमन्त्री लालबाबु राउतले पुरुषवादी सोचको कारण लैङ्गिक हिंसामा वृद्धि भइरहेको उल्लेख गरे ।
उनले अहिले महिला मात्र नभइ पुरुष, तेस्रोलिङ्गीहरुसमेत हिंसामा परिरहेको बताए । मुख्यमन्त्री राउतले लैङ्गिक हिंसाको प्रारम्भ घरबाटै सुरु हुने गरेको भन्दै अभिभावक सचेत हुनुपर्ने बताए ।
महिला बालबालिका तथा जेष्ठ नागरिक मन्त्री थममाया थापाको अध्यक्षतामा भएको उक्त कार्यक्रममा प्रदेश सरकारका आन्तरिक मामिला तथा कानून मन्त्री ज्ञानेन्द्र यादव, आर्थिक मामिला तथा योजना राज्यमन्त्री उषा यादव, समाजिक विकास राज्यमन्त्री अभिराम शर्मा, कृषि राज्यमन्त्री योगेन्द्र राय यादव, प्रतिनिधिसभा सदस्य जुली महासेठसहितको उपस्थिति रहेको थियो ।
दुई दिनसम्म चल्ने कार्यक्रममा प्रदेश भरिकै प्रदेशसभा सदस्य, स्थानीय तहका प्रमुख उपप्रमुखसहितको सहभागिता रहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4