२३ मंसिर, काठमाडौं । साताको पहिलो दिन सेयर बजारमा सुधार भएको छ । आइतबार सेयर बजार करिब ११ अंकले सुधारिएको हो ।
धेरै जसो समूहहरु हरियाली देखिदा सेयर बजार १० दशमलव ८५ अंकले उकालो लागेको छ । सेयर बजारमा १० दशमलव ८५ अंकको सुधार देखिएसँगै नेप्से परिसूचक १ हजार १ सय ३१ दशमलव ७० मा आइपुगेको छ ।
आइतबार २२ करोड रुपैयाँको सेयर किनबेच भएको छ । दिनभर भएका २ हजार ९ सय ६५ कारोबारबाट १ सय ५५ कम्पनीका ७ लाख १४ हजार ६ सय १८ कित्ता सेयर किनबेच भएका छन् । जसअनुसार कारोबार रकम २२ करोड ३७ लाख २४ हजार ६ सय ८७ रुपैयाँ पुगेको छ ।
