१६ पुस, काठमाडौं । बंगलादेशी क्रिकेट टिमका कप्तान मसरफ बिन मोर्तजा सांसद बनेका छन् । आइतबार भएको आम चुनावमा उनी शेख हसिनाको अवामी लिग दलबाट सांसद चुनिएका हुन् ।
मोर्तजाले आफ्नो नजिकका प्रतिस्पर्धीभन्दा २ लाख ६६ हजार बढी मत प्राप्त गरेर सांसद चुनिएका हुन् । उनले २ लाख ७४ हजार ४ सय १८ मत पाए ।
२०१९ को क्रिकेट विश्वकपपछि सन्यास लिने बताएका मोर्तजाले चुनावअघि क्रिकेट विकासका लागि काम गर्नुका साथै राजनीतिमा ध्यान दिने बताएका थिए ।
पछिल्लो समय चोटले समस्यामा परेपछि उनले एकदिवसीय खेल मात्रै खेलिरहेका छन् । ३६ टेस्ट खेलेका उनले अन्तिम टेस्ट २००९ मा खेलेका थिए ।
