माथिल्लो तामाकोशीको सेयर सूचीकृत

२६ पुस, काठमाडौं । अपर तामाकोशी हाइड्रोपावर लिमिटेडको सेयर नेपाल स्टक एक्सचेञ्जमा सूचीकृत भएको छ । अपर तामाकोशीको १० करोड ५९ लाख कित्ता साधारण सेयर नेप्सेले बिहीबार सूचीकृत गरेको हो ।

सेयर धितोपत्र सूचीकरण विनियमावली २०७५ बमोजिम सूचीकृत गरिएको नेप्सेले जनाएको छ । भोलि शुक्रबार सेयर कारोबार नहुने भएकाले तामाकोशीको कारोबार आगामी आइतबारदेखिमात्रै हुनेछ ।

आयोजनाले पहिलो चरणमा आयोजना प्रभावित र दोस्रो चरणमा सर्वसाधारणलाई गरी दुई चरणमा आईपीओ जारी गरेको थियो । ४ सय ५६ मेगावाट क्षमताको माथिल्लो तामाकोशी जलविद्युत आयोजना दोलखामा रहेको छ ।