६ फागुन, काठमाडौं । शिवम् सिमेन्टस् लिमिटेडकोे साधारण (सेयर) का लागि आज सोमबारदेखि आवेदन खुला भएको छ । ४१ लाख २० हजार कित्ता आईपीओका लागि आजदेखि आवेदन खुला भएको हो ।
यस कम्पनीको आईपीओ प्रतिकित्ता ३ सय रुपैयाँमै किन्न पाइने भएको छ । यस अघि प्रतिसेयर एक सय रुपैयाँ अंकित दरमा पि्रमियम वापत ३ सय रुपैयाँ थप गरी प्रति सेयर ४ सय रुपैयाँ भनिएकोमा नेपाल धितोपत्र बोर्डको निर्देशन पछि प्रतिकित्ता एक सय रुपैयाँ पि्रमियम २ सय रुपैयाँमात्र गरेर जम्मा ३ सय रुपैयाँमै कम्पनीले सर्वसाधारणका लागि सेयर बेच्न लागेको हो ।
कम्पनीको धितोपत्र निष्काशन तथा विक्री प्रबन्धकमा सिद्धार्थ क्यापिटल लिमिटेड रहेको छ । आइतबार (फागुन ६) देखि फागुन ९ गेतसम्म आवेदन खुला हुने क्यापिटलले जनाएको छ । क्यापिटलका अनुसार ९ गतेसम्म पर्याप्त आवेदन नपरेमा समय थप हुनेछ ।
आयोजना प्रभावित क्षेत्रका बासिन्दाका लागि यस अघि नै कम्पनीले सेयर जारी गरेको थियो । यस अघि पि्रमियम सहित ३ सय रुपैयाँमा स्थानीयका लागि कम्पनीले सेयर निष्काशन गरेको थियो । सर्वसाधारणका लागि नै ३ सयमा पाउने भए पछि स्थानीयलाई कम्पनीले थप सहजता प्रदान गर्नेछ ।
पहिले ३ सय रुपैयाँमा स्थानीयका लागि ८ लाख ८० हजार कित्ता सेयर निष्काशन गरी २ लाख २ सय ४० कित्ताको मात्र आवेदन परेको र सो लाई बाँडफाँट गरिएकोमा हाल तोकिएको निष्काशन मूल्य बमोजिम बाँडफाँट भएका सेयरधनीहरुलाई कुल १ लाख १ सय २० कित्ता सेयर थप प्रदान गरिने सिद्धार्थ क्यापिटलले जनाएको छ ।
बाँकी रहेको ५ लाख ७९ हजार ६४० कित्ता सेयर २ सय रुपैयाँमा आवेदन गर्न चाहने स्थानीयलाई पुनः थप वा नयाँ आवेदन गर्न सकिने व्यवस्था मिलाईएको र उद्योग प्रभावित क्षेत्र मकवानपुर जिल्लाका सम्पूर्ण बासिन्दाहरुले समेत निष्काशन खुल्ला अवधिमा तोकिए बमोजिम आवेदन गर्न सक्ने क्यापिटलले जनाएको छ ।
यस सार्वजनिक निष्काशनमा न्यूनतम् ५० कित्ता तथा अधिकतम सम्पूर्ण कित्ताका लागि नेपाल धितोपत्र बोर्डबाट अनुमति प्राप्त आस्वा सेवामा सहभागी बैंक तथा वित्तीय संस्थाहरुबाट सिआस्वा प्रणाली मार्फत आवेदन गर्न सकिनेछ ।
यस सार्वजनिक निष्काशनमा एनआइविएलएस क्यापिटल लिमिटेड, ग्लोवल आईएमई क्यापिटल लिमिटेड र सिविआइएल क्यापिटल लिमिटेड प्रत्याभुतीकर्ता रहेका छन् ।
