२४ वैशाख, बर्दिवास । महोत्तरीबाट अख्तियार दुरुपयोग अनुसन्धान आयोगको बर्दिवास कार्यालयले घुस रकमसहित एकजनालाई पक्राउ गरेको छ ।
इलाका प्रशासन कार्यालय रामगोपालपुरमा कार्यरत कम्प्युटर अपरेटर अशोककुमार सिंहलाई अख्तियारको टोलीले पक्राउ गरेको हो ।
सिंहले नागरिकताको प्रमाणपत्र बनाइ दिन सहज गराई दिन बापत सेवाग्राहीसँग ४ हजार घुस रकम मागेका थिए ।
सिंहलाई बर्दिवास ल्याइदै गरेको र थप अनुसन्धान भैरहेको अख्तियार बर्दिवास कार्यालयले जनाएको छ ।
