२६ वैशाख, काठमाडौं । संघीय समाजवादी फोरम र नयाँ शक्ति मिलेर बनेको समाजवादी पार्टीले अन्य पार्टीहरुसँग वार्ताको ढोका खुला राख्ने निर्णय गरेको छ ।
पार्टी एकतापछि बिहीबार बसेको पदाधिकारी बैठकले राष्ट्रिय जनता पार्टी (राजपा) लगायतसँग एकता वार्ताको ढोका खुला राख्ने निर्णय गरेको हो । ‘दुई पार्टीको छलफल धेरै अगाडि बढिसकेकाले एकसाथ हुन सकेन तर, त्यसबेला नै हामीले छिट्टै वार्ता गर्छौं भनेका थियौं । त्यसअनुसार प्रगतिशील शक्तिहरुसँग वार्ताको ढोका खुला राख्ने निर्णय गरेका छौं’ सचिव प्रशान्त सिंहले भने ।
बैठकले काठमाडौं उपत्यका बाहेकका ८ स्थामा अभिमुखिकरण कार्यक्रम गर्ने निर्णय गरेको छ ।
