१० जेठ, बैतडी । गुडिरहेको जिपबाट हामफाल्दा बैतडीमा एक व्यक्तिको ज्यान गएको छ । पञ्चेश्वर गाउँपालिका–६ का ४० वर्षीय राज कोलीको जीपबाट हाम्फाल्दा ज्यान गएको बैतडीका प्रहरी नायब उपरीक्षक नेत्रमणि गिरीले जानकारी दिए ।
बिहीवार बेलुका गिरेगडाबाट देहीमाडौँतर्फ आइरहेको म१ज ११९ नंको जिपले अर्को गाडीलाई साइड दिन खोज्दा कोली जीपबाट हामफालेका थिए ।
हामफाल्दा गम्भीर घाइते भएका कोलीलाई उपचारका लागि अस्पताल लैजाँदै गर्दा बाटैमा मृत्यु भएको प्रहरीले जनाएको छ ।
कोलीको मृत्युपछि जिप चालक भागेका थिए । तर, प्रहरी उनलाई नियन्त्रणमा लिन सफल भएको छ । उनीमाथि अहिले थप अनुसन्धान भइरहेको प्रहरी नायब उपरीक्षक नेत्रमणि गिरीले बताए ।