२० जेठ, जनकपुरधाम । सरकारी अस्पताल आसपास निजी क्षेत्रका क्लिनिक र अस्पतालहरुले बिरामी ल्याउने दलाल खटाउने गरेको पाइएको छ ।
सरकारी अस्पतालमा उपचार गराउन आउने बिरामीलाई बिभिन्न मानसिक दवाव दिएर निजीमा लैजान जनकपुरमा यस्ता दलालहरु सकि्रय भएको पाइएको हो ।
प्रहरीले सोमबार मात्रै यस्ता दुईजना दलाललाई पक्राउ गरेको छ । पक्राउ पर्नेमा सिरहाको सिरहा नगरपालिका-११ घर भइ जनकपुर बस्ने २५ वर्षीय संजय कामती र जनकपुर १० बस्ने ३५ वर्षीय मनोज यादव रहेको जिल्ला प्रहरी कार्यालय धनुषाले जनाएको छ ।
पक्राउ परेका दुबैजनाले जनकपुर अञ्चल अस्पताल क्षेत्रमा उपचारका लागि आउने बिरामीहरु तथा बिरामीका आफन्तहरुलाई बीच बाटोमै छेकेर जबरजस्ती निजी अस्पताल र क्लिनिकमा लैजाने गरेको प्रहरीले बताएको छ ।
यस विषयमा थप अनुसन्धान भइरहेको प्रहरीले जानकारी दएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4