२४ जेठ, काठमाडौं । नेपाल प्रहरीको निरीक्षक भएको बताउँदै सर्वसाधारण कुटपिट गरेको आरोपमा एक जना पक्राउ परेका छन् । पक्राउ पर्नेमा काभ्रेपलाञ्चोका २० वर्षीय सौगात लुइँटेल छन् ।
महानगरीय प्रहरी वृत्त, नयाँ बानेश्वरले उनलाई पेप्सिकोलाबाट पक्राउ गरेको हो । बाटो हिँड्दै गरेका बलबहादुर सार्कीलाई प्रहरीको निरीक्षक भएको बताएर लुइँटेल र आफूलाई प्रहरी नायब निरीक्षक (सई) बताउने योहुना घले मगरले कुटपिट गरेका थिए ।
वृत्तका प्रमुख गोविन्दराज काफ्लेका अनुसार उनीहरुले चेकजाँच गर्ने बहानामा हातपात गरेको उजुरी परेको छ । त्यसक्रममा सार्कीको साथमा रहेको मोबाइल पनि हराएको उजुरीमा उल्लेख गरिएको छ ।
लुइँटेलसँगै रहेर आफूलाई सईको परिचय दिने मगर भने अझै फरार छन् । उनको खोजी भइरहेको डीएसपी काफ्लेले बताए ।
थप अनुसन्धान जारी छ ।
