अहिले अभिनेता/अभिनेत्री म्युजिक भिडियोमा व्यस्त हुन थालेका छन् । प्रियंकाकार्की, पल शाह त चलचित्रमा भन्दा बढी म्युजिक भिडियोमै छाएका छन् । यसैको सिलसिला हो, ब्युटी पार्लर ।
रोमान्टिक शैलीको यो गीतमा पल शाह र प्रियंका कार्की नाचेका छन् । म्युजिक भिडियो सरोज ओलीले निर्देशन गरेका हुन् । उनी आफै पनि गाउँछन् । यसअघि माछीले खाने खोलीको लेउ, तिमीलाई देखेपछि जस्ता चर्चित गीतमा ओलीको स्वर सुन्न सकिन्छ । यसपाली भने उनी निर्देशकको भूमिकामा अगाडि आएका छन् ।
यो गीतलाई मेलिना राई र ध्रुब बिस्कोकोले गाएका हुन् । भिडियोमा पल र प्रियंकासँगै सकिना इटानी पनि देखिएकी छिन् । भिडियोलाई सुदिप बरालले खिचेका हुन् । राजीव समरको कोरियोग्राफी रहेको भिडियोलाई सन्देश शाहले सम्पादन गरेका हुन् । दीपक शर्माको संगीत, श्रमिक बरालको शब्द रहेको गीतको एरेन्ज उदयराज पौडेलले गरेका हुन् ।
