२७ जेठ, काठमाडाैं । भारतले नेपालको भूकम्पपछिको पुनर्निर्माणका लागि दोस्रो किस्तावापतको रकम १ अर्ब ६० करोड उपलब्ध गराएको छ ।
सोमबार अर्थ मन्त्रालयमा आयोजित कार्यक्रममा नेपालका लागि भारतीय राजदूत मंजीवसिंह पुरीले भूकम्पपछिको पुनर्निर्माणका लागि दोस्रो किस्तावापतको रकम १ अरव ६० करोडको चेक अर्थमन्त्री डा. युवराज खतिवडालाई हस्तान्तरण गरे ।
भारतले नेपालको निजी आवास पुनर्निर्माणका लागि दोस्रो किस्ता वापत १ अरव ६० करोड रुपैयाँ उपलब्ध गराएको अर्थ सचिव राजन खनालले जानकारी दिए ।
भारतले पहिलो किस्तावापत २ अर्ब १० करोड रुपैयाँ उपलब्ध गराइसकेको छ ।
नेपालका लागि भारतका राजदुत सिंहले भूकम्पपछिको पुनर्निर्माणमा सहकार्य गर्न पाएकोमा भारत सरकार खुसी भएको बताए ।
