१३ असार, काठमाडौं । इटालियन क्लब एसी मिलानलाई युरोपा लिग फुटबलमा एक वर्षको प्रतिबन्ध लागेको छ ।
युरोपियन फुटबल महासंघ (यूईएफए) ले आर्थिक फेयर प्ले नियम तोडेको भन्दै मिलानलाई युरोपा लिगमा एक सिजनको लागि प्रतिबन्ध लगाएको बीबीसीले उल्लेख गरेको छ ।
कोर्ट अफ आर्बिट्रेसन फर स्पोर्ट्स (कास) ले समेत सदर गरेको छ । कासले भनेको छ, ‘एसी मिलानलाई २०१९–०२० को सिजन खेल्नबाट प्रतिबन्ध लगाइएको छ ।’
सात पटकसम्म युरोपियन च्याम्पियन मिलानले अब एक सिजन युरोपा लिग खेल्न पाउने छैनन् ।
