नेपालमा ‘वीव्याइ सिटी नेपाल’ आयोजना हुने भएको छ । बुधबार पत्रकार सम्मेलन गर्दै नेपाल हिपअप फाउण्डेसन, गोविन्द एजुकेशनको आयोजनामा वीव्याइ सिटी नेपाल हुने जानकारी दिइएको थियो । शनिबार काठमाण्डौको लैनचौरमा यो कार्यक्रम आयोजना हुन् ।
कार्यक्रममा ‘वीव्याइ सिटी नेपाल’का संयोजक दीपेश थापाले यो कार्यक्रम विगत दुई वर्षदेखि संचालनमा आइरहेको जानकारी दिए । प्रतिस्पर्धामा देशका विभिन्न जिल्लाबाट प्रतिस्पर्धी आउने बताइएको छ । कार्यक्रममा एसियाका विभिन्न देशका प्रतिनिधिसमेत कार्यक्रमको उद्घाटन सत्रमा आउने जानकारी दिइयो ।
वीव्याइ सिटी नेपालले लुकेर रहेका युवाहरूको क्षमतालाई अन्तरराष्ट्रियस्तरमा पुर्याउन लागेको जानकारी पत्रकार सम्मेलनमा दिइएको थियो । संयोजक थापा भन्छन्–‘हाम्रो मुख्य उद्देश्य भनेको हिपहपको माध्यमबाट विश्वमा नेपाली पहिचान स्थापित गर्नु हो ।’ कार्यक्रमका लागि नेपालमा विभिन्न देशका डिजेहरु पनि उपस्थित हुनेछन् ।
वीव्याइ सिटीमा उपाधि जित्ने समूहले नेपालको प्रतिनिधित्व गर्दै एसियन क्वालिफायरका लागि ताइवान जाने अवसर पाउनेछन् । यो प्रतिस्पर्धामा चीनका एलेक्स, नेपालबाट प्रिन्स कानेकी, भारतका सान, थाइल्याण्डबाट डिजे जेक्स निर्णायकका रूपमा रहनेछन् ।
