काठमाडौं । भारतको कर्नाटकमा पछिल्लो केही दिनदेखि चलिरहेको राजनीतिक नाटक समाप्त भएको छ ।
कुमारस्वामी नेतृत्वको कांग्रेस-जेडीएस गठबन्धन सरकारले विश्वासको मत पाउन सकेन । सरकारको पक्षमा ९९ मत खस्यो भने विश्वासको मतको विरोधमा १०५ मत ।
गठबन्धनका १६ सांसदले राजीनामा दिनासाथ कुमारस्वामी सरकारको दिनगन्ती सुरु भएको थियो । निर्दलीय विधायकले पनि समर्थन फिर्ता लिने घोषणा गरे ।
विश्वासको मतका लागि विधानसभामा सम्बोधन गर्ने क्रममा मुख्यमन्त्री कुमारस्वामी निकै भावुक बने । आफू राजनीतिमा आउन नहुने रहेछ भन्दै उनले जनतासँग माफी समेत मागेका थिए । विश्वासको मत नपाएपछि उनले पदबाट राजीनामा समेत दिएको भारतीय सञ्चार माध्यमहरुले जनाएका छन् ।
अब कर्नाटकमा भारतीय जनता पार्टी -भाजपा)को सरकार गठनको बाटो खुलेको छ । बीएस येदुरप्पाको नेतृत्वमा सरकार बनाउने भाजपाको तयारी छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4