८ साउन, काठमाडौं । अन्तर्राष्ट्रिय च्याम्पियन्स क्लबमा रियल मड्रिडले आर्सनललाई पराजित गरेको छ ।
अमेरिकामा आज भएको खेलमा स्पेनिस क्लब रियल मड्रिडले इंग्लिस क्लब आर्सनललाई पेनाल्टी सुटआउटमा ३–२ ले पराजित गरेको हो । निर्धारित समयसम्म दुबै टिमले २–२ गोलको बराबरी खेलेपछि खेल पेनाल्टीतर्फ धकेलिएको थियो ।
खेलको नवौं मिनेटमा नै रियलका नाचोले रेड कार्ड खादै मैदानबाट बाहिरिएका थिए । योसँँगै रियल १० खेलाडीमा सिमित भएको थियो । खेलको १०औं मिनेटमा नै एलेक्जेन्डर लुकाजेटले गोल गर्दै आर्सनललाई अग्रता दिलाएका थिए । खेलको २४ औं मिनेटमा नै पिएरे इमेरिक अबुमेयाङले गोल गर्दै आर्सनललाई २–० गोलको अग्रता दिलाए ।
पहिलो हाफमा दुई गोलले पछि परेको आर्सनलले दोस्रो हाफमा भने दुई गोल खान पुग्यो । खेलको ५६ औं मिनेटमा ग्यारेथ बेलले गोल गरे भने ५९औं मिनेटमा मार्को एसेन्सियोले गोल गर्दै रियल मड्रिडलाई २–२ गोलको बराबरीमा ल्याएका थिए ।
पेनाल्टीमा भने रियलको भाग्य चम्कियो ।
