Comments Add Comment

गोविन्दाको दावीमा कत्तिको सत्यता ?

बलिउडमा ‘हीरो नम्बर वन’ तथा चीचीको उपनामले चिनिने अभिनेता गोविन्दाले आफ्नो फिल्मी करियरसंग सम्बन्धि एउटा रोचक खुलासा गरेका छन् । उनको उक्त खुलासासंगै सामाजिक सञ्जालमा उनको मजाक उडाउँदै ट्रोलहरु नै बन्न थालेका छन् ।

वास्तवमा, हालै मात्र गोविन्दालाई टेलिभिजन कार्यक्रम ‘आप की अदालत’ मा अतिथिको रुपमा पुगेका थिए । जहाँ उनले आफ्नो जीवनसंग जोडिएका अधिकांश विषयमा खुलेर कुराकानी गरेका छन् । त्यसक्रममा उनले त्यस्ता धेरै वटा फिल्महरुमा अभिनय गर्न नचाहेको खुलासा गरे, जुन प्रदर्शनपछि ब्लकबस्टर सावित भएका थिए ।

गोविन्दाको भनाइ थियो-‘मैले त्यस्ता धेरे वटा फिल्ममा काम गर्न अस्विकार गरें, जो पछि हिट सावित भए । ती फिल्महरुमा ताल, गदर तथा देवदासका साथै हलिउडको फिलम अवतार पनि थियो ।’

गोविन्दाका अनुसार अवतारमा काम गर्नबाट उनले दुई भिन्न कारणले अस्विकार गरेका थिए । पहिलो कारण त उनलाई निर्देशकले फिल्मको छायांकन ४ सय १० दिनमा पुरा हुने बताएका थिए, जुन उनका लागि समय निकाल्न सम्भव थिएन । दोस्रो कारण उनले शरीरभरी पेन्ट गर्नु पर्ने थियो, जसका लागि उनी तयार भएनन् । ‘तीनै दुई कारणले गर्दा मैले उक्त फिल्मका निर्देशकसँग माफी मागें’ गोविन्दाले भनेका छन् ।

गोविन्दाका अनुसार उनले निर्देशक जेम्स क्यामरुनलाई फिल्मको नाम पनि सुझाएका थिए । ‘मैले त्यो बेला जेम्सलाई के भनेको थिएँ भने तपाईंलाई यो फिल्म बनाउनका लागि सात वर्ष लाग्नेछ, गोविन्दा भन्छन्-‘मेरो कुरा सुनेर उनी रिसाएका थिए । उनले मलाई कसरी सात वर्ष लाग्छ भनेर जिज्ञासा राखेका थिए । उनको जिज्ञासामा मैले भनेको थिए-‘जुन कल्पनाका साथ तपाईंले यो फिल्म बनाइरहनु भएको छ, त्यो कल्पना पुरा गर्न निकै गाह्रो छ ।’ गोविन्दाका अनुसार उनले त्यही बेला निर्देश्ाक क्याम्रुनलाई उनको त्यो फिल्म सुपरहिट हुनेछ भनेर भविष्यवाणी गरिदिएका रहेछन् ।

गोविन्दाको उक्त खुलासापछि अहिले सामाजिक सञ्जालमा उनका ट्रोलहरु बन्न थालेका छन् । मानिसहरुले गोविन्दाका तस्बिरहरु सम्पादन गरेर, अनुहारमा पेन्ट गरेर ट्रोल बनाइरहेका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment