२२ भदौ, वीरगञ्ज । बाराबाट प्रहरीले सवारी ज्यान मुद्धामा फरार अभियुक्तलाई पक्राउ गरेको छ । जितपुर सिमरा उपमहानगरपालिका–३ स्थित बजनी टोल बस्ने ४६ बर्षीय भरत श्रेष्ठ पक्राउ परेका हुन् ।
बारा जिल्ला अदालतको २०६२ असार २१ गतेको फैसला आदेशले उनलाई सवारी ज्यान मुद्दामा दोषी ठहर गर्दै १ महिना कैद फैसला गरेको थियो ।
सोही समयदेखि फरार रहेका उनलाई भदौ २१ गते इलाका प्रहरी कार्यालय सिमरा बाराबाट खटिएको प्रहरी टोलीले लुकीछिपी बसेको अवस्थामा पक्राउ गरेको थियो ।
आइतबार बारा जिल्ला अदालतमा पेश गरिएकोमा अदालतको आदेशले तोकिएको कैद भुक्तानका लागि कारागार कार्यालय वीरगञ्जमा पठाइएको बारा प्रहरीले जनाएको छ ।