२३ भदौ, काठमाडौं । नेपाली महिलाहरु चीन तस्करी हुने गरेको घटनाको विरोधमा सोमबार नेपाली महिलाको एक समूहले चिनियाँ राजदूतावास बाहिर प्रदर्शन गरेको छ ।
चिनियाँ विदेशमन्त्री वाङ यी नेपाल आएको बेला पारेर उनीहरुले चिनियाँ राजदूतावासबाहिर प्रदर्शन गरेका हुन् ।
भदौ दोस्रो साता नेपाली महिलालाई बेहुली बनाएर चीन लैजाने गिरोहमा संलग्नलाई ६ जना नेपाली र ४ जना चिनियाँ पक्राउ परेपछि सो घटनाको रहस्य खुलेको थियो ।
प्रदर्शनमा सहभागी १० जनालाई पक्राउ गरी नेपाल पुलिस क्लबमा राखिएको महानगरीय प्रहरी परिसर काठमाडौंका प्रमुख एसएसपी उत्तमराज सुवेदीले जानकारी दिए ।