१० असोज, काठमाडौं । त्रिकोणात्मक टी–२० सिरिजमा नेपालले जिम्बोब्वेलाई १३३ रनको लक्ष्य प्रस्तुत गरेको छ । उसले केहीबेरमा जवाफी ब्याटिङ गर्नेछ ।
सिंगापुरमा टस जितेर पहिले ब्याटिङ गरेको नेपालले २० ओभरमा ६ विकेट गुमाएर १३२ रन बनायो । नेपालको सुरुवात खराब रह्यो । राष्ट्रिय टिममा डेब्यू गरेका इशान पाण्डे मात्र ४ रनमा आउट भए भने आरिफ शेखले पनि ८ रन मात्र जोड्न सके । कुशल मल्ल पनि २ रनमा आउट भए ।
दीपेन्द्र सिंह ऐरीले ४० रन जोडे भेन सोमपाल कामी २५ रनमा अविजित रहे ।
