१८ असोज, काठमाडौं । हनुमानढोका दरबारस्थित दसैंघरमा फूलपाती भित्र्याइएको छ । गोरखा दरबारले पठाएइको फूलपाती हर्ष बडाइका साथ भित्र्याइएको हो ।
गोरखा दरबारले विहान साढे सात बजे बाजागाजासहित डोलीमा राखेर निकालिएको थियो । दरबारका भित्रिया सुसारे लिलाबहादुर बोहराकाअनुसार फूलपाती चौतारासम्म बोकेर लगिनेछ भने त्यहाँबाट गाडीमा पठाइएको थियो ।
पहिले धादिङको जिवनपुर, नुवाकोट हुँदै हिँडेर फूलपाती हनुमानढोका पुर्याउने प्रचलन थियो । वि. सं. २०६६ सालदेखि भने मोटरवाटोको प्रयोग गर्न थालिएको गोरखा दरबार हेरचाह अड्डाका रामेश्वर कट्टेल बताउँछन् ।
गोरखाको फूलपाती हनुमानढोका भित्र्याएपछि मात्र दशैं घरको सुरुवात हुने धार्मिक विश्वास छ ।
गोरखाबाट पठाएको फूलपाती वैदिक विधिअनुसार हनुमानढोका दरबारमा भित्र्याउने चलन छ ।
हनुमानढोकामा फूलपाती भित्र्याउँदा नेपाली सेनाले सैनिकमञ्च टुँडिखेलमा हर्ष बडाइ गरेको थियो ।
