२९ असोज, काठमाडौं । कतारमा स्वीकृति विना राजनीतिक र सामाजिक र धार्मिक गतिविधि सञ्चालन नगर्न कतार सरकारले अनुरोध गरेको छ ।
विभिन्न देशका कूटनीतिक नियोगलाई कतार सरकारले कतारको कानून र प्रचलनविपरीत हुने त्यस्ता गतिबिधि नगर्न नगराउन निर्देशन गर्न अनुरोध गरेको थियो ।
कतार सरकारको अनुरोधअनुसार दोहास्थित नेपाली दूतावासले पनि सूचना जारी गरी त्यस्ता गतिविधि नगर्न सूचना प्रकाशित गरी नेपाली समुदायमा निर्देशन गरेको छ ।
पछिल्लो समय केही समुदायले कतार सरकारको सम्बन्धित निकायबाट पूर्वस्वीकृति नलिइ भेला, बैठक, चन्दा संकलन गरेको जानकारी प्राप्त भएको दूतावासले बताएको छ ।