२ कात्तिक, काठमाडौं । नौबिसे-नागढुंगा सडकखण्डमा यातायातका साधन एकतर्फी सञ्चालन गरिएको छ ।
धादिङको धुनिवेशी नगरपालिका ९ पिपलामोडभन्दा तल भूत घर, याक घर र टायल घर सडक खण्डमा कालोपत्रे गर्ने काम भइरहेकाले एकतर्फी गाडी सञ्चालन गरिएको जिल्ला प्रहरी कार्यालय धादिङले जनाएको छ ।
शनिबार बिहान १० बजेदेखि अपराह्न ४ बजेसम्म एकतर्फी सडक चलाइने प्रहरीको भनाइ छ । सो सडकखण्डमा एकतर्फी गाडी चलाइँदा घण्टौंसम्म जाममा बस्नु परेको गुनासो सवारी साधन चालक र यात्रुहरुले गरेका छन् ।