२ कात्तिक, काठमाडौं । नोर्मान भानुआको हृयाट्रिकसँगै पपुवा न्यूगिनीले टी-२० विश्वकप छनोटमा बर्मुडामाथि १० विकेटको शानदार जित हात पारेको छ ।
दुबईमा टस हारेर ब्याटिङको निम्तो पाएको बर्मुडा १७.२ ओभरमा सबै विकेट गुमाएर ८९ रन बनायो ।
बर्मुडालाई सस्तैमा समेट्ने क्रममा भानुआले घातक बलिङ गरे । उनले २.४, २.५ र २.६ ओभरमा लगातार विकेट लिएर हृयाट्रिक पुरा गरे ।
बमुर्डाका डेर्ली रोलिन्सले सर्वाधिक २५ रन बनाए ।
९० रनको सामान्य लक्ष्य पपुवा न्यूगिनीले १०.२ ओभरमा भेट्टायो । उसका असद भालाले अर्धशतक पुरा गरे । उनी ५३ र टोनी उरा ३३ रनमा नटआउट रहे ।