५ कात्तिक, काठमाडौं । नेपाली कांग्रेसका नेता रमेश लेखकले प्रतिनिधिसभाका सभामुख पदमा आफ्नो पार्टीको दाबी रहेको बताएका छन् ।
सभामुख र उपसभामुख पदमध्ये एक पद आफ्नो पार्टीले नपाए मान्य नहुने उनले बताए । मंगलबार काठमाडौंमा आयोजित साक्षात्कार कार्यक्रममा नेता लेखकले फरक दलको सभामुख र उपसभामुख हुनुपर्ने संवैधानिक व्यवस्था रहेकाले सभामुख पद प्रमुख प्रतिपक्ष दललाई दिनुपर्ने तर्क गरे ।
सभामुख र उपसभामुख पद एउटै दलले राखेर संविधान विपरितका गतिविधि अव हुन नदिने उनले बताए ।
