स्वीटजरल्याण्ड । तिहारमा खेलिने देउसी भैलो घरदेशमा मात्र होइन, परदेशमा समेत चल्न थालेको छ । नेपालीहरु विदेशमा बस्ने क्रम बढ्दै गएपछि नेपाली संस्कृतिको फैलावट पनि युरोप अमेरिकासम्म पुगेको छ ।
यही क्रममा यस वर्ष स्वीटजरल्याण्डमा बसोबास गर्ने नेपालीहरुले इतिहासमै पहिलोचोटि घरघरमा डुलेर देउसी भैलो कार्यक्रम गरे । उनीहरुले देउसी भट्याउनुका साथै ‘पछ्यौरी तानेर’ लगायतका गीतहरु गाउँदै नाचगान गरेका थिए । साथमा मादल समेत थियो ।
प्रवासमा खेलिएको देउसी भैलोमा पहिलो पुस्ताका मात्र नभएर दोस्रो पुस्ताका नेपाली बालवालिकासमेत रमाएका थिए ।
मुना भट्टराई र ज्योति पुनको पहलमा तयार पारिएको देउसी टोलीले स्वीटजरल्याण्डका बासेल, आराउ, जुरिच लगायतका सहरमा देउसी भैलो कार्यक्रम आयोजना गरेको थियो ।
हेर्नुहोस् भिडियो
