१४ कात्तिक, काठमाडौं । बाराको गञ्जभवानीपुर प्रहरी चौकीका प्रहरी नायब निरीक्षक (सई) जटाशंकरप्रसाद कलवार बिहीबार ६० हजार रुपैयाँ घुससहित पक्राउ परेका छन् ।
भारतबाट मालसामान ल्याउन सहज गराई दिने भनी सेवाग्राहीसँग घुस लिइरहेको अवस्थामा अख्तियार दुरुपयोग अनुसन्धान आयोगको हेटौडा कार्यालयको टोलीले कलवारलाई कलैया उपमहानगरपालिका ४ स्थित, श्रीराम खाद्य उद्योग अगाडिबाट पक्राउ गरेको हो ।
उनीमाथि अनुसन्धान भइरहेको अख्तियारका प्रवक्ता प्रदीप कोइरालाले जानकारी दिए ।
