१९ कात्तिक, काठमाडौं । एसियन सिनियर महिला सेन्ट्रल जोन भलिबल प्रतियोगिता खेल्ने नेपलाी टिमको घोषणा भएको छ ।
नेपाल भलिबल संघले मंगलबार सेन्ट्रल जोन खेल्ने १२ सदस्यीय महिला भलिबल टिमको घोषणा गरेको हो । नोभेम्बर सातदेखि १५ तारिखसम्म बंगलादेशको ढाकामा आयोजना हुने प्रतियोगितामा नेपालको कप्तानी अरुणा शाहीले गर्ने भएकी छिन् ।
प्रतियोगितामा आयोजक बंगलादेशसँगै नेपाल, अफगानिस्तान, माल्दिभ्स र तुर्किमिनिस्तान रहेका छन् ।
कप्तान अरुणासँगै प्रतिभा माली, सरस्वती चौधरी, निरुता ठगुन्ना, रेश्मा भण्डारी, पुनम चन्द, जानकी भण्डारी, सुनिता खड्का, सफिया पुन, उषा कुमारी विष्ट, कमला पुन र सलिना श्रेष्ठ रहेका छन् ।
