News Summary
Generated by OK AI. Editorially reviewed.- प्रधानमन्त्री बालेन शाहले असोज ९ देखि ११ गतेसम्म देशभर भारीदेखि अति भारी वर्षाको सम्भावना रहेकाले नागरिकलाई सतर्क रहन आग्रह गरे।
- उनले गण्डकी र लुम्बिनीका केही स्थानमा अति भारी वर्षा तथा कोशी, बागमती, मधेश, कर्णाली र सुदूरपश्चिमका केही स्थानमा भारी वर्षाको सम्भावना रहेको बताए।
- प्रधानमन्त्रीले बाढी, पहिरो, डुबान र यातायात अवरोधको जोखिम देखिएकाले राजमार्ग यात्रा, नदीकिनार र हिमाली यात्रा टार्न अनुरोध गरे।
७ असोज, काठमाडौं । संयुक्त राष्ट्रसंघको महासभामा सहभागी हुनका लागि अमेरिका यात्रामा रहेका प्रधानमन्त्री बालेन शाहले देशभर शुक्रबारदेखि आइतबारसम्म भारीदेखि अति भारी वर्षाको सम्भावना रहेकाले नागरिकलाई सतर्क रहन आग्रह गरेका छन् ।
मौसम विज्ञान विभागको पूर्वानुमान उद्धृत गर्दै उनले असोज ९ देखि ११ गतेसम्म गण्डकी र लुम्बिनी प्रदेशका केही स्थानमा भारीदेखि अति भारी वर्षा तथा कोशी, बागमती, मधेश, कर्णाली र सुदूरपश्चिमका केही स्थानमा पनि भारी वर्षाको सम्भावना रहेको बताएका छन् ।
प्रधानमन्त्रीले सम्भावित वर्षाका कारण बाढी, पहिरो, गेग्रान बहाव, डुबान तथा सडक र हवाई यातायात प्रभावित हुन सक्ने भन्दै विशेष सावधानी अपनाउन आग्रह गरेका छन् ।
पानी परिरहेको समयमा तथा रातिको समयमा सकेसम्म राजमार्गमा यात्रा नगर्न, नदी तथा खोलानजिकका जोखिमयुक्त क्षेत्रमा सतर्क रहन र ट्रेकिङ तथा हिमाली क्षेत्रको यात्रा मौसम सुधार नभएसम्म स्थगित गर्न पनि उनले अनुरोध गरेका छन् ।
उनले मौसम विज्ञान विभाग र स्थानीय प्रशासनबाट जारी हुने सूचनालाई नियमित रूपमा पालना गर्न तथा सम्बन्धित निकायलाई पूर्वतयारी, समन्वय र सतर्कता अपनाउन आग्रह गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4