२४ कात्तिक, जनकपुरधाम । बहुविवाह मुद्दाको फरार एक प्रतिवादी सिराहाबाट पक्राउ परेका छन् ।
अस्थायी प्रहरी पोष्ट भगवानपुरबाट खटिएको गस्ती टोलीले बहुविवाह मुद्दाको फरार प्रतिवादी भगवानपुर गाउँपलिका २ नहरा बस्ने ३५ बर्षीय रामविलास साहलाई पक्राउ गरेको हो । आइतबार दिउँसो उनलाई घरबाटै पक्राउ गरिएको जिल्ला प्रहरी कार्यालयले जनाएको छ ।
बहुविवाह मुद्दामा जिल्ला अदालतबाट ११ महिना २० दिनको कैद सजाय पाएका साहलाई ईलाका प्रहरी कार्यालय लहान सिराहामा ल्याई जिल्ला अदालतमा बुझाएको प्रहरीले जनाएको छ ।
