२०७६ कात्तिक २६ गते ७:१४ 
२६ कात्तिक, काठमाडौं । अफगानिस्तानसँगको एकदिवसीय क्रिकेट सिरिजको शृंखला वेष्ट इन्डिजले क्लिन स्विप गरेको छ ।
सोमबार राति भएको अन्तिम तथा तेस्रो खेलमा अफगानिस्तानलाई पाँच विकेटले पराजित गर्दै वेष्ट इन्डिजले सिरिज ३–० ले जितेको हो । २५० रनको चुनौती पछ्याउँदै ब्याटिङ गरेको वेष्ट इडिजले ४८.४ ओभरमा पाँच विकेटको क्षतिमा लक्ष्य भेटायो ।
वेष्ट इन्डिजका लागि साइ होपले अविजित १०९ रन बनाए । त्यस्तै, रोस्टन चेसीले अविजित ४२ रन बनाउँदा ब्रान्डन किङले ३९ रनको बनाए । बलिङतर्फ अफगानिस्तानका मुजिब उर रहमानले दुई विकेट लिए ।
यसअघि टस हारेर पहिले ब्याटिङ गरेको अफगानिस्तानले निर्धारित ५० ओभरमा सात विकेटको क्षतिमा २४९ रन बनायो । अफगानिस्तानका लागि अस्घर अफगानले ८६ तथा हजरतउल्लाह जाजई र मोहमद नाबीले समान ५०–५० रन बनाएका थिए । वेष्ट इन्डिजका किमो पाउलले तीन विकेट लिए ।
प्रतिक्रिया 4